Breaking News
Home / ਬਾਲੀਵੁੱਡ / ਸੋਮੀ ਅਲੀ ਨੇ ਸਲਮਾਨ ਖ਼ਾਨ ਦੇ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਆਖੀ ਵੱਡੀ ਗੱਲ

ਸੋਮੀ ਅਲੀ ਨੇ ਸਲਮਾਨ ਖ਼ਾਨ ਦੇ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਆਖੀ ਵੱਡੀ ਗੱਲ

ਮੁੰਬਈ : ਬਾਲੀਵੁੱਡ ਕਲਾਕਾਰ ਰਹਿ ਚੁੱਕੀ ਪਾਕਿਸਤਾਨੀ ਅਦਾਕਾਰਾ ਸੋਮੀ ਅਲੀ ਅਦਾਕਾਰ ਸਲਮਾਨ ਖ਼ਾਨ ਦੇ ਨਾਲ ਆਪਣੇ ਰਿਸ਼ਤਿਆਂ ਨੂੰ ਲੈ ਕੇ ਹਮੇਸ਼ਾ ਤੋਂ ਹੀ ਖੁੱਲ੍ਹ ਕੇ ਬੋਲਦੀ ਰਹਿੰਦੀ ਹੈ। 90 ਦੇ ਦਹਾਕੇ ’ਚ ਉਨ੍ਹਾਂ ਦੀ ਅਤੇ ਸਲਮਾਨ ਖ਼ਾਨ ਦੀ ਲਵ ਸਟੋਰੀ ਕਾਫੀ ਚਰਚਾ ’ਚ ਰਹੀ ਹੈ। ਦੋਵੇਂ ਕਾਫੀ ਸਮੇਂ ਤਕ ਨਾਲ ਰਹੇ ਸਨ ਪਰ 1999 ’ਚ ਸੋਮੀ ਅਲੀ ਦਾ ਅਦਾਕਾਰ ਨਾਲ ਬ੍ਰੇਕਅਪ ਹੋ ਗਿਆ ਸੀ। ਬ੍ਰੇਕਅਪ ਦੇ 22 ਸਾਲ ਬਾਅਦ ਹੁਣ ਸੋਮੀ ਅਲੀ ਨੇ ਸਲਮਾਨ ਦੇ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਵੱਡੀ ਗੱਲ ਆਖੀ ਹੈ।

ਸੋਮੀ ਅਲੀ ਨੇ ਇਕ ਅੰਗਰੇਜੀ ਵੈੱਬਸਾਈਟ ਨੂੰ ਇੰਟਰਵਿਊ ਦਿੱਤਾ ਹੈ। ਇਸ ਇੰਟਰਵਿਊ ’ਚ ਉਨ੍ਹਾਂ ਨੇ ਆਪਣੇ ਫਿਲਮੀ ਕਰੀਅਰ ਤੋਂ ਇਲਾਵਾ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਈ ਸਾਰੀਆਂ ਗੱਲਾਂ ਕੀਤੀਆਂ ਹਨ। ਸੋਮੀ ਅਲੀ ਨੇ ਸਲਮਾਨ ਖ਼ਾਨ ਦੇ ਨਾਲ ਫਿਲਮ ‘ਬੁਲੰਦ’ ’ਚ ਕੰਮ ਕੀਤਾ ਸੀ। ਹਾਲਾਂਕਿ ਇਹ ਫਿਲਮ ਕਦੇ ਰਿਲੀਜ਼ ਨਹੀਂ ਹੋ ਸਕੀ। ਇਸ ਫਿਲਮ ਦੀ ਸ਼ੂਟਿੰਗ ਦੌਰਾਨ ਸੋਮੀ ਅਲੀ ਅਤੇ ਸਲਮਾਨ ਖ਼ਾਨ ਇਕ-ਦੂਜੇ ਦੇ ਕਰੀਬ ਆਏ ਸਨ।

ਸੋਮੀ ਅਲੀ ਨੇ ਕਿਹਾ, ‘ਸਲਮਾਨ ਖ਼ਾਨ ਨੇ ਉਸ ਸਮੇਂ ਆਪਣਾ ਹੋਮ ਪ੍ਰੋਡਕਸ਼ਨ ਸ਼ੁਰੂ ਕੀਤਾ ਸੀ ਅਤੇ ਉਹ ਆਪਣੀ ‘ਬੁਲੰਦ’ ਨਾਂ ਦੀ ਫਿਲਮ ਲਈ ਇਕ ਮੁੱਖ ਅਦਾਕਾਰਾ ਦੀ ਤਲਾਸ਼ ਕਰ ਰਹੇ ਸਨ। ਅਸੀਂ ਸ਼ੂਟਿੰਗ ਦੇ ਲਈ ਕਾਠਮੰਡੂ ਗਏ ਸੀ। ਬਦਕਿਸਮਤੀ ਨਾਲ, ਮੈਂ ਬਹੁਤ ਛੋਟੀ ਸੀ ਅਤੇ ਇੰਡਸਟਰੀ ’ਚ ਨਹੀਂ ਸੀ। ਨਿਰਮਾਤਾਵਾਂ ਦੇ ਨਾਲ ਕੁਝ ਸਮੱਸਿਆ ਸੀ ਅਤੇ ਫਿਲਮ ਨੂੰ ਰੋਕ ਦਿੱਤਾ ਗਿਆ ਸੀ। ਇਹ ਮੇਰੇ ਅਤੇ ਸਲਮਾਨ ਖ਼ਾਨ ਸਾਡੇ ਰਿਸ਼ਤੇ ਦੇ ਲਈ ਇਕ ਜ਼ਰੀਆ ਸੀ।’

ਇਹ ਪੁੱਛੇ ਜਾਣ ’ਤੇ ਕਿ ਕੀ ਉਹ ਅਜੇ ਵੀ ਸਲਮਾਨ ਖ਼ਾਨ ਦੇ ਸੰਪਰਕ ’ਚ ਹੈ? ਇਸ ’ਤੇ ਸੋਮੀ ਅਲੀ ਨੇ ਕਿਹਾ, ‘ਮੈਂ ਪੰਜ ਸਾਲ ਤੋਂ ਸਲਮਾਨ ਨਾਲ ਗੱਲ ਨਹੀਂ ਕੀਤੀ ਹੈ। ਮੈਨੂੰ ਲੱਗਦਾ ਹੈ ਕਿ ਅੱਗੇ ਵਧਣਾ ਚੰਗਾ ਹੁੰਦਾ ਹੈ। ਮੈਂ ਅੱਗੇ ਵੱਧ ਗਈ ਹਾਂ ਅਤੇ ਉਹ ਵੀ ਅੱਗੇ ਵਧ ਗਏ ਹਨ। ਮੈਨੂੰ ਨਹੀਂ ਪਤਾ ਕਿ ਦਸੰਬਰ 1999 ’ਚ ਉਨ੍ਹਾਂ ਦੀ ਜ਼ਿੰਦਗੀ ’ਚ ਮੇਰੇ ਜਾਣ ਤੋਂ ਬਾਅਦ ਕਿੰਨੀਆਂ ਗਰਲਫਰੈਂਡ ਰਹੀਆਂ ਹਨ। ਮੈਂ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ ਦਿੰਦੀ ਹਾਂ।’

ਪਾਕਿਸਤਾਨ ਮੂਲ ਦੀ ਬਾਲੀਵੁੱਡ ਦੀ ਸਾਬਕਾ ਅਦਾਕਾਰਾ ਸੋਮੀ ਅਲੀ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਖ਼ੁਲਾਸਾ ਕਰਕੇ ਸੁਰਖ਼ੀਆਂ ’ਚ ਹੈ। ਉਹ ਅਕਸਰ ਆਪਣੇ ਇੰਟਰਵਿਊਜ਼ ’ਚ ਬਹੁਤ ਸਾਰੇ ਖ਼ੁਲਾਸੇ ਕਰਦੀ ਹੈ। ਸੋਮੀ ਅਲੀ ਹੁਣ ਅਦਾਕਾਰੀ ਦੀ ਦੁਨੀਆ ਤੋਂ ਦੂਰ ਇਕ ਐੱਨ. ਜੀ. ਓ. ਚਲਾਉਂਦੀ ਹੈ। ਉਸ ਦੀ ਐੱਨ. ਜੀ. ਓ. ਘਰੇਲੂ ਹਿੰਸਾ ਨਾਲ ਪੀੜਤ ਲੋਕਾਂ ਦੀ ਮਦਦ ਕਰਦੀ ਹੈ। ਹੁਣ ਸੋਮੀ ਅਲੀ ਨੇ ਆਪਣੀ ਵਿੱਤੀ ਸਥਿਤੀ ਬਾਰੇ ਗੱਲ ਕੀਤੀ ਹੈ।

ਸੋਮੀ ਅਲੀ ਨੇ ਹਾਲ ਹੀ ’ਚ ਅੰਗਰੇਜ਼ੀ ਵੈੱਬਸਾਈਟ ਟਾਈਮਜ਼ ਆਫ਼ ਇੰਡੀਆ ਨਾਲ ਗੱਲਬਾਤ ਕੀਤੀ ਸੀ। ਇਸ ਦੌਰਾਨ ਉਸ ਨੇ ਆਪਣੇ ਫ਼ਿਲਮੀ ਕਰੀਅਰ ਦੇ ਨਾਲ-ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਵੀ ਕਾਫ਼ੀ ਗੱਲਾਂ ਕੀਤੀਆਂ। ਜਦੋਂ ਸੋਮੀ ਅਲੀ ਤੋਂ ਪੁੱਛਿਆ ਗਿਆ ਕਿ ਉਹ ਆਪਣੇ ਮਨੁੱਖਤਾਵਾਦੀ ਕੰਮ ਲਈ ਵਿੱਤੀ ਸਹਾਇਤਾ ਕਿਵੇਂ ਪ੍ਰਾਪਤ ਕਰਦੀ ਹੈ ਤਾਂ ਇਸ ਦੇ ਜਵਾਬ ’ਚ ਉਸ ਨੇ ਕਿਹਾ ਕਿ ਉਹ ਇਕ ਅਮੀਰ ਪਰਿਵਾਰ ਨਾਲ ਸਬੰਧਤ ਹੈ। ਅਜਿਹੀ ਸਥਿਤੀ ’ਚ ਉਸ ਨੂੰ ਆਪਣੀ ਐੱਨ. ਜੀ. ਓ. ਚਲਾਉਣ ’ਚ ਕਦੇ ਵਿੱਤੀ ਸੰਕਟ ਦਾ ਸਾਹਮਣਾ ਨਹੀਂ ਕਰਨਾ ਪਿਆ।

ਸੋਮੀ ਅਲੀ ਨੇ ਕਿਹਾ, ‘ਬਿਨਾਂ ਹੰਝੂਆਂ ਦੇ ਕੰਮ ਕਰਨਾ ਮੈਨੂੰ ਖੁਸ਼ ਕਰਦਾ ਹੈ। ਜਿਥੋਂ ਤਕ ਪੈਸੇ ਦੀ ਗੱਲ ਹੈ, ਮੇਰੇ ਪਿਤਾ ਬਹੁਤ ਅਮੀਰ ਸਨ। ਅਸੀਂ ਪਹਿਲੀ ਮੰਜ਼ਿਲ ’ਤੇ ਇਕ ਸਟੂਡੀਓ ਦੇ ਨਾਲ ਇਕ 28 ਬੈੱਡਰੂਮ ਦੀ ਮੰਜ਼ਿਲ ’ਚ ਰਹਿੰਦੇ ਸੀ। ਮੇਰੇ ਪਿਤਾ ਨੇ ਇਕ ਕੈਮਰਾਮੈਨ ਵਜੋਂ ਸ਼ੁਰੂਆਤ ਕੀਤੀ ਤੇ ਪਾਕਿਸਤਾਨ ’ਚ ਨਿਰਮਾਤਾ ਵਜੋਂ ਆਪਣੀ ਪਹਿਲੀ ਫ਼ਿਲਮ ਰਾਹੀਂ ਲੱਖਾਂ ਡਾਲਰ ਕਮਾਏ। ਜਦੋਂ ਬਿਨਾਂ ਕਿਸੇ ਮੁਸ਼ਕਿਲ ਦੇ ਕੰਮ ਕਰਨ ਦੀ ਗੱਲ ਆਉਂਦੀ ਹੈ ਤਾਂ ਪੈਸਿਆਂ ਦਾ ਮਤਲਬ ਮੇਰੇ ਲਈ ਕੁਝ ਵੀ ਨਹੀਂ ਹੁੰਦਾ ਕਿਉਂਕਿ ਸਾਨੂੰ ਵਧੇਰੇ ਜਾਨਾਂ ਬਚਾਉਣ ਲਈ ਦਾਨ ਦੀ ਜ਼ਰੂਰਤ ਹੁੰਦੀ ਹੈ।

ਸੋਮੀ ਅਲੀ ਨੇ ਅੱਗੇ ਕਿਹਾ, ‘ਮੈਂ ਇਕ ਹੋਮਬਾਡੀ ਹਾਂ। ਮੈਂ ਅਣਵਿਆਹੀ ਹਾਂ ਤੇ ਹੀਰੇ ਵਰਗੀਆਂ ਚਮਕਦਾਰ ਚੀਜ਼ਾਂ ਵੱਲ ਆਕਰਸ਼ਿਤ ਨਹੀਂ ਹੁੰਦੀ। ਸਾਧਾਰਨ ਚੀਜ਼ਾਂ ਮੈਨੂੰ ਖੁਸ਼ ਕਰਦੀਆਂ ਹਨ। ਮੈਂ ਬਹੁਤ ਜ਼ਿਆਦਾ ਖਰੀਦਦਾਰੀ ਨਹੀਂ ਕਰਦੀ। ਮੇਰਾ ਜ਼ਿਆਦਾਤਰ ਸਮਾਂ ਪੀੜਤਾਂ ਨਾਲ ਜਾਂਦਾ ਹੈ, ਇਸ ਲਈ ਮੇਰੇ ਕੋਲ ਹੋਰ ਕਿਸੇ ਵੀ ਚੀਜ਼ ਲਈ ਸਮਾਂ ਨਹੀਂ ਹੈ। ਮੇਰੀ ਜ਼ਿੰਦਗੀ ’ਚ ਕੀਮਤੀ ਚੀਜ਼ਾਂ ਦਾ ਮੁੱਲ ਜ਼ੀਰੋ ਹੈ। ਜੇ ਤੁਸੀਂ ਧੰਨਵਾਦੀ ਹੋ, ਤੁਹਾਨੂੰ ਵਾਪਸ ਦੇਣਾ ਪਵੇਗਾ। ਇਹ ਇਸ ਧਰਤੀ ’ਤੇ ਕਿਰਾਇਆ ਦੇਣ ਵਾਂਗ ਹੈ।’

ਬਾਲੀਵੁੱਡ ’ਚ ਇਕ ਛੋਟੇ ਕਰੀਅਰ ਤੋਂ ਬਾਅਦ ਸੋਮੀ ਅਲੀ ਨੇ ਅਦਾਕਾਰੀ ਦੀ ਦੁਨੀਆ ਨੂੰ ਅਲਵਿਦਾ ਆਖ ਦਿੱਤਾ ਸੀ। ਉਸ ਨੇ ਸਲਮਾਨ ਖ਼ਾਨ, ਸੁਨੀਲ ਸ਼ੈੱਟੀ, ਮਿਥੁਨ ਚੱਕਰਵਰਤੀ ਤੇ ਸੈਫ ਅਲੀ ਖ਼ਾਨ ਵਰਗੇ ਵੱਡੇ ਅਦਾਕਾਰਾਂ ਨਾਲ ਕੰਮ ਕੀਤਾ ਸੀ ਪਰ ਸੋਮੀ ਨੇ ਆਪਣੇ ਕਰੀਅਰ ਨੂੰ ਪਿੱਛੇ ਛੱਡ ਦਿੱਤਾ ਕਿਉਂਕਿ ਉਸ ਨੂੰ ਅਦਾਕਾਰੀ ’ਚ ਕੋਈ ਦਿਲਚਸਪੀ ਨਹੀਂ ਸੀ। ਉਹ ਮੰਨਦੀ ਹੈ ਕਿ ਉਸ ਦੀ ਐੱਨ. ਜੀ. ਓ. ਉਸ ਦੀ ਜ਼ਿੰਦਗੀ ਦਾ ‘ਉਦੇਸ਼’ ਹੈ। ਸੋਮੀ ਅਕਸਰ ਆਪਣੇ ਖ਼ਿਲਾਫ਼ ਹੋਏ ਜਿਣਸੀ ਹਿੰਸਾ ਦੀਆਂ ਬਹੁਤ ਸਾਰੀਆਂ ਘਟਨਾਵਾਂ ਬਾਰੇ ਗੱਲ ਕਰਦੀ ਹੈ, ਜਿਸ ਨੇ ਉਸ ਨੂੰ ਆਪਣਾ ਸੰਗਠਨ ਸ਼ੁਰੂ ਕਰਨ ਲਈ ਪ੍ਰੇਰਿਆ।

About admin

Check Also

ਰਿਤਿਕ ਰੌਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖ਼ਾਨ ਹੋਈ ਟਰੋਲ, ਮੀਂਹ ’ਚ ਡਰਾਈਵਰ ਨੂੰ ਭਿੱਜਦਾ ਛੱਡ ਨਿਕਲੀ ਅੱਗੇ

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਰਿਤਿਕ ਰੌਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖ਼ਾਨ ਨੂੰ ਮੰਗਲਵਾਰ ਨੂੰ ਮੁੰਬਈ …

%d bloggers like this: