Breaking News
Home / ਬਾਲੀਵੁੱਡ / ਅਰਜੁਨ ਕਪੂਰ ਨੇ ਮੁੜ ਘਟਾ ਲਿਆ ਹੈ ਭਾਰ, ਤਸਵੀਰਾਂ ਹੋ ਰਹੀਆਂ ਨੇ ਵਾਇਰਲ

ਅਰਜੁਨ ਕਪੂਰ ਨੇ ਮੁੜ ਘਟਾ ਲਿਆ ਹੈ ਭਾਰ, ਤਸਵੀਰਾਂ ਹੋ ਰਹੀਆਂ ਨੇ ਵਾਇਰਲ

ਹਰ ਕੋਈ ਜਾਣਦਾ ਹੈ ਕਿ ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਫ਼ਿਲਮਾਂ ’ਚ ਆਉਣ ਤੋਂ ਪਹਿਲਾਂ ਕਾਫੀ ਮੋਟੇ ਸਨ। ਹਾਲਾਂਕਿ ਆਪਣੇ ਕਰੀਅਰ ਦੀ ਸ਼ੁਰੂਆਤ ਤੋਂ ਪਹਿਲਾਂ ਅਰਜੁਨ ਨੇ 50 ਕਿਲੋ ਭਾਰ ਘੱਟ ਕੀਤਾ ਸੀ ਪਰ ਅੱਜ ਅਰਜੁਨ ਪਿੱਛੇ ਕੁੜੀਆਂ ਉਸ ਦੇ ਐਬਸ ਲਈ ਪਾਗਲ ਹਨ। ਇਸ ਦੌਰਾਨ ਹੁਣ ਇਕ ਵਾਰ ਫਿਰ ਅਰਜੁਨ ਨੇ ਆਪਣਾ ਭਾਰ ਘਟਾ ਲਿਆ ਹੈ। ਇਸ ਦੀ ਝਲਕ ਉਸ ਦੀਆਂ ਤਾਜ਼ਾ ਇੰਸਟਾਗ੍ਰਾਮ ਤਸਵੀਰਾਂ ’ਚ ਦੇਖਣ ਨੂੰ ਮਿਲ ਰਹੀ ਹੈ।

ਦਰਅਸਲ ਅਰਜੁਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਆਪਣੇ ਫੋਟੋਸ਼ੂਟ ਦੀਆਂ ਕੁਝ ਤਾਜ਼ਾ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ’ਚ ਅਰਜੁਨ ਗ੍ਰੀਨ ਕਲਰ ਦੀ ਡਰੈੱਸ ’ਚ ਨਜ਼ਰ ਆ ਰਹੇ ਹਨ ਤੇ ਉਨ੍ਹਾਂ ਨੇ ਐਨਕ ਵੀ ਲਗਾਈ ਹੋਈ ਹੈ। ਇਨ੍ਹਾਂ ਤਸਵੀਰਾਂ ’ਚ ਅਰਜੁਨ ਅਸਲ ’ਚ ਵੱਖਰੀ ਲੁੱਕ ’ਚ ਨਜ਼ਰ ਆ ਰਹੇ ਹਨ।

ਅਰਜੁਨ ਨੇ ਇਸ ਪੋਸਟ ਨੂੰ ਸਾਂਝਾ ਕਰਦਿਆਂ ਕੈਪਸ਼ਨ ’ਚ ਲਿਖਿਆ, ‘ਮੇਰਾ ਸੋਮਵਾਰ ਦਾ ਪਹਿਰਾਵਾ।’ ਅਰਜੁਨ ਦੀ ਇਸ ਪੋਸਟ ’ਤੇ ਪ੍ਰਸ਼ੰਸਕ ਲਾਈਕਸ ਤੇ ਕੁਮੈਂਟਸ ਕਰਕੇ ਬਹੁਤ ਪਿਆਰ ਦੇ ਰਹੇ ਹਨ, ਜਿਸ ਨੂੰ ਵੇਖ ਕੇ ਇਹ ਸਾਫ ਪਤਾ ਲੱਗ ਰਿਹਾ ਹੈ ਕਿ ਅਰਜੁਨ ਨੇ ਇਕ ਵਾਰ ਫਿਰ ਆਪਣਾ ਭਾਰ ਘਟਾ ਲਿਆ ਹੈ।

ਅਰਜੁਨ ਦੇ ਇੰਡਸਟਰੀ ਦੇ ਦੋਸਤ ਵੀ ਉਸ ਦੀ ਪ੍ਰਸ਼ੰਸਾ ਕਰ ਰਹੇ ਹਨ। ਦੀਆ ਮਿਰਜ਼ਾ ਨੇ ਲਿਖਿਆ, ‘ਤੁਸੀਂ ਵਧੀਆ ਲੱਗ ਰਹੇ ਹੋ।’ ਆਯੂਸ਼ਮਾਨ ਖੁਰਾਣਾ ਨੇ ਫਾਇਰ ਇਮੋਜੀ ਰਾਹੀਂ ਟਿੱਪਣੀ ਕੀਤੀ। ਇਸ ਤੋਂ ਇਲਾਵਾ ਤਾਰਾ ਸੁਤਾਰੀਆ, ਰਿਆ ਕਪੂਰ ਤੇ ਅਲੀਮ ਹਕੀਮ ਨੇ ਵੀ ਤਸਵੀਰਾਂ ’ਤੇ ਕੁਮੈਂਟਸ ਕੀਤੇ ਹਨ।

ਅਰਜੁਨ ਕਪੂਰ ਦੇ ਕੰਮਕਾਜ ਦੀ ਗੱਲ ਕੀਤੀ ਜਾਵੇ ਤਾਂ ਜਲਦ ਹੀ ਉਹ ਫ਼ਿਲਮ ‘ਭੂਤ ਪੁਲਿਸ’ ’ਚ ਨਜ਼ਰ ਆਉਣਗੇ। ਫ਼ਿਲਮ ’ਚ ਉਹ ‘ਚਿਰੌਂਜੀ’ ਨਾਮ ਦਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ। ਹਾਲ ਹੀ ’ਚ ਖ਼ੁਦ ਅਰਜੁਨ ਕਪੂਰ ਨੇ ਇੰਸਟਾਗ੍ਰਾਮ ’ਤੇ ਫ਼ਿਲਮ ਤੋਂ ਆਪਣਾ ਪਹਿਲਾ ਲੁੱਕ ਸਾਹਮਣੇ ਲਿਆਂਦਾ ਹੈ। ‘ਭੂਤ ਪੁਲਿਸ’ ਦੀ ਰਿਲੀਜ਼ ਦੀ ਤਾਰੀਖ਼ ਦਾ ਅਜੇ ਖ਼ੁਲਾਸਾ ਨਹੀਂ ਕੀਤਾ ਗਿਆ ਹੈ ਪਰ ਮੰਨਿਆ ਜਾ ਰਿਹਾ ਹੈ ਕਿ ਇਹ ਫ਼ਿਲਮ ਅਗਲੇ ਮਹੀਨੇ ਦੇ ਸ਼ੁਰੂ ’ਚ ਰਿਲੀਜ਼ ਹੋ ਸਕਦੀ ਹੈ।

About admin

Check Also

ਰਿਤਿਕ ਰੌਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖ਼ਾਨ ਹੋਈ ਟਰੋਲ, ਮੀਂਹ ’ਚ ਡਰਾਈਵਰ ਨੂੰ ਭਿੱਜਦਾ ਛੱਡ ਨਿਕਲੀ ਅੱਗੇ

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਰਿਤਿਕ ਰੌਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਖ਼ਾਨ ਨੂੰ ਮੰਗਲਵਾਰ ਨੂੰ ਮੁੰਬਈ …

%d bloggers like this: